Clube Fontefría

A Sociedade Cultural Deportiva e Xuvenil Fontefría naceu no ano 1981 por iniciativa dun grupo de afeccionados ao piragüismo que practicaban a navegación no encoro das Cunchas, sobre o río Limia. A idea xurdiu da cabeza de Lino Perdiz que con outros amigos de Muíños empezaron a afeccionarse e mercaron unhas piraguas. Un día observando os picos de Fontefría decidiron montar o clube e pórlle ese nome.

Esta sociedade foi pioneira na provincia en apostar por este deporte, e hoxe, case trinta anos despois ten arredor de 100 socios e cerca de 40 piragüístas repartidos en todas as categorías.

Nos seus primeiros tempos os piragüístas, a falta de medios, tiñan que trasladar as piraguas persoalmente a pé dende o pobo ata o encoro, co paso do tempo mercouse un terreo a beira do embalse e fíxose a pista polideportiva, un local para os socios do clube e o hangar das piraguas. 

Ademais de todo isto a Sociedade supuxo un foco dinamizador da zona e do municipio xa que a raíz disto o Concello fixo o cámping e o albergue, o que hoxe se converteu no Complexo turístico deportivo O Corgo. 

Actividades

A SCDX Fontefría desenrola as seguintes actividades deportivas:

• Equipo de competición de piragüismo de augas tranquilas. Dese os sete anos.

• Cursos de iniciación e perfeccionamento con monitores titulados.

• Aluguer de material náutico: piraguas individuais ou dobres, barcas de pedais...

• Paseos polo encoro das Cunchas en piragua (2 h.- 3 h.)

• Cursos e excursións en piragua para grupos, colectivos, casas de turismo rural, colexios...

Todas as actividades inclúen chalecos salvavidas e seguro de responsabilidade civil. Ademáis as excursións e paseos están acompañadas de monitor. Formar parte do equipo de competición e os cursos de iniciación e perfeccionamento inclúen tamén a correspondente ficha federativa.

IMPORTANTE: É preciso saber nadar para poder realizar actividades acuáticas, así o esixen os regulamentos da RFEP.

Instalacións

A Sociedade Cultural, Deportiva e Xuvenil Fontefría ten as súas instalacións no Complexo Turístico- Deportivo da praia fluvial do "Corgo", no termo municipal de Muiños, ao sur da provincia de Ourense. Goza de amplas e renovadas instalacións entre as cales se atopan:

• Local social, café- bar.

• Oficinas.

• Hangar equipado con vestiarios independentes e máquinas de ximnasio.
  

• Pista polideportiva exterior: fútbol, baloncesto, tenis e voleibol.

• Pista de volei praia de area.

• Piraguas: kayaks, canoas, iniciación, augas bravas...

• Veleiro clase Optimist.

• Lancha motora para seguimento de adestramentos e rescate.

As instalacións están a beira do encoro das Cunchas, que ten unha extensión de 10 km. de longo con augas aptas para o baño e perfectamente navegables (augas de tipo I). É un lugar idóneo para a práctica de deportes náuticos e dunha beleza envexable. Ademáis sitúase no Parque Outeiro da Cela, un fermoso espazo natural con máis de 150 especies distintas de árbores, todas catalogadas, e con varias rutas de sendeirismo que o percorren.

Outras instalacións dispoñibles na zona son:

• Amplas zonas de aparcamento.

• Camping con 300 plazas e espazos para autocaravanas. Equipado con tódolos servizos.

• Bungalows, casas de turismo rural, casas de aluguer...
  

• Cafeterías, restaurantes e outras zonas para xantar como merendeiros.

• Miradoiro e vistas panorámicas.

• Pantaláns e rampas á auga.

• Duchas e WC's.

• Enfermería e servizo de socorrismo.

Ás nosas actividades pódense sumar outras moitas: rutas a cabalo, paintball, barranquismo, escalada..., só tes que consultarnos. FAINOS UNHA VISITA!

Prezos